Maxfiylik siyosati

Ushbu siyosat Tezijara.uz sayti hamda Tezijara Android va iOS (iPhone) ilovalari (keyingi o‘rinlarda “Tezijara”) foydalanuvchilar ma’lumotlarini qanday yig‘ishi, ishlatishi va saqlashini tushuntiradi.

Qanday ma’lumot yig‘amiz

Akkaunt ma’lumotlari: ism, telefon raqam, parol (faqat shifrlangan ko‘rinishda saqlanadi), rieltor bo‘lsangiz agentlik nomi. Telegram orqali kirsangiz, bot bilan ulashgan telefon raqamingiz, Telegram’dagi ismingiz va Telegram identifikatoringiz (ID).
E’lon ma’lumotlari: e’lon matni, narxi, manzili va xaritadagi joylashuvi, siz yuklagan rasmlar, Telegram foydalanuvchi nomi (agar ko‘rsatsangiz).
Faoliyat: sevimlilar, saqlangan qidiruvlar, e’lonlar ko‘rilishi va telefon raqami ko‘rsatilishi soni, e’lonlarga yuborilgan shikoyatlar.
Joylashuv: faqat e’lon formasidagi “Mening joylashuvim” tugmasini bossangiz, qurilmangiz joylashuvi bir marta aniqlanadi va xaritadagi belgini qo‘yish uchun ishlatiladi. Saqlanganidan keyin u e’lon manzilining bir qismi bo‘ladi. Joylashuv fonda yoki boshqa paytda aniqlanmaydi.
Foydalanish statistikasi: sahifalar necha marta ochilgani, qaysi mamlakatdan va qanday qurilmadan. Buni Vercel Web Analytics anonim tarzda sanaydi: u cookie ishlatmaydi va ma’lumotlarni akkauntingizga bog‘lamaydi.
Cookie fayllar: tizimga kirganingizni eslab qolish va tanlangan tilni saqlash uchun.

Ilovalar kamera yoki galereyaga faqat siz e’longa rasm qo‘shayotganda va o‘zingiz tanlagan rasmlar uchungina murojaat qiladi. Biz reklama ko‘rsatmaymiz, sizni boshqa ilova va saytlarda kuzatmaymiz va ma’lumotlaringizni reklama tarmoqlariga bermaymiz.

Ma’lumotlardan qanday foydalanamiz

Akkauntingizni yuritish, e’lonlarni joylash va ko‘rsatish, xaridor yoki ijarachilarga siz bilan bog‘lanish imkonini berish, e’lonlarni moderatsiya qilish va firibgarlikka qarshi kurashish uchun.

Kimlarga ko‘rinadi

E’lon ma’lumotlari va rasmlar hammaga ochiq ko‘rinadi, tasdiqlangan e’lonlar Tezijara’ning Telegram kanalida ham e’lon qilinadi. Telefon raqamingiz boshqa foydalanuvchilarga faqat ular e’lonidagi “Telefonni ko‘rsatish” tugmasini bosgandagina ko‘rsatiladi. Biz ma’lumotlaringizni sotmaymiz va reklama maqsadida uchinchi shaxslarga bermaymiz. Ma’lumotlar sayt ishlashi uchun zarur bo‘lgan hosting, ma’lumotlar bazasi va analitika provayderlarining (Vercel, Neon) himoyalangan serverlarida saqlanadi. Qonunda nazarda tutilgan hollarda ma’lumotlar vakolatli davlat organlariga berilishi mumkin.

Xavfsizlik

Barcha ma’lumotlar shifrlangan (HTTPS) ulanish orqali uzatiladi. Parollar ochiq ko‘rinishda saqlanmaydi.

Akkauntni va ma’lumotlarni o‘chirish

Akkauntingizni istalgan vaqtda o‘zingiz o‘chirishingiz mumkin: saytda yoki ilovada Kabinet → Profil → Akkauntni o‘chirish (shu yerda). Akkaunt bilan birga barcha e’lonlaringiz, sevimlilar va saqlangan qidiruvlar darhol butunlay o‘chiriladi. Tizimga kira olmasangiz, ro‘yxatdan o‘tgan telefon raqamingizni ko‘rsatib info@tezijara.uz manziliga yozing. So‘rovingiz 30 kun ichida bajariladi.

Bolalar

Tezijara 18 yoshga to‘lmagan shaxslar uchun mo‘ljallanmagan.

O‘zgarishlar va aloqa

Siyosat o‘zgarsa, yangilangan matn shu sahifada e’lon qilinadi. Savollar bo‘yicha: info@tezijara.uz.

Oxirgi yangilanish: 2026-yil 6-oktabr.